Kevread Lazoù-Kanañ Breizh
Kenleur Tour
karavan sevenadurel
eus an 12 a viz gouere beteg an 22 a viz eost 2021
53 abadenn peplec'h e Breizh
da gejañ gant ar re o enluskañ evit sevenadur Breizh
Da vare Kenleur Tour, en Naoned e vo ar c'haravan diouzh ar sadorn 17 a viz gouere.
Kinniget e vo ur sonadeg bihan renet gant Bernard Kemener, gant al lazoù-kanañ Kan ar Vro hag Anna Vreizh, da 4egm e Mekanikoù an Enez.
Sellit ouzh ar programm klok war lec'hienn Kenleur
Laz-kanañ Breizh o tuta kanerien !
Pouner eo ar maread hir emaomp bremañ, hep pleustradegoù na sonadegoù. Ar ganerien ha ganerezed a zo hep oberiantizoù kevredik abaoe ur vloazh a-wechou.
Met aozet eo dija gant Kanomp Breizh an amzer goude ar c'hlañved-red, ha dazont Laz-kanañ Breizh.
Goude kanadennoù Ar Marh Dall hag An Aval hag ar C'haliz, choazet eo bet un oberenn meur all eus ar c'han e brezhoneg : oratorio Izild a Vreizh.
Skrivet eo bet ar sonerezh gant Jean-Yves Le Ven, war pozioù Jeva Omnes. Studiet e vo adalek 2022. Jean-Marie Airault, rener Laz-Kanañ Breizh a zo dija o aozañ an deskiñ gant al laz-kanañ.
Evit sevel an oberenn, tuta a reomp kanerien en holl kordenadoù ar c'hor.
Laz-kanañ Breizh a zo savet eus tost kant kaner ha kanerezh eus pempzek laz-kanañ ezel eus Kanomp Breizh.
O kemer perzh ennañ gallout a rit arnodiñ santadenn da ganañ e-kreizh ur strollad ledan, heuliet gant ul laz-seniñ, renet gant ur rener a-feson. Gallout a rit ivez kejañ gant kanerien eus Breizh a-bez, sot gant ar c'han e brezhoneg eveldoc'h, e-pad dervezhioù ar pleustradegoù. Gallout a rit, erfin, kanañ war leurennoù gouelioù ha festivalioù Breizh, pe e salioù, ilizoù hag ilizoù-veur ha bevañ abadennoù da zalc'hen eñvor anezho.
Ma fellout a ra deoc'h mont e-barzh Laz-kanañ Breizh evit e oberenn kentañ, deuit e darempred gant Roger Connan lkb.kanompbreizh@gmail.com pe pellgomzit da gKanomp Breizh 06 32 29 79 29
Ur skodenn 20€ ar bloazh a vo goulennet d'ar re a n'int ket e-barzh ul laz-kanañ ezel eus Kanomp Breizh.
Geriadurig ar Ganerien - Embannadur nevez
Berz e-neus greet Geriadurig ar Ganerien. Diviet e oa dija bloaz hanter goude beza bet embannet. Ha kement ha moulla anezañ endro, on-eus soñjet e oa mad ouspenna eun nebeud mad a geriou a vanke e-barz. Tenna a reont euz ar han, euz ar muzik, med ivez euz ar c’horf, abalamour ne vez ket kanet gand ar vouez nemetken, gand ar horf a-bez ne lavarom ket. Geriou ar han hag ar vuhez a vez kavet er geriadurig-mañ, a-benn ar fin. Setu neuze eun ostilh gwelleet evid brasa mad ar ganerien a blij dezo ober gand ar brezoneg, med ivez ar zonerien hag an oll re a zo kar or yez. Beo eo ar brezoneg e lazou-kana Kanomp Breizh. Niveruz eo enno ar re a blij dezo eskemm e brezoneg. Ha pleustri a ra an oll ganerien evid ober gand eur yez yah ha distaget mad. Ma plij dezo kana brava oberennou herez ar Gelted, e vez krouet ivez, ingal, gand al lazou-kana kanaouennou nevez war barzonegou oh ober ano euz ar vuhez a-vremañ. Douja d’an hengoun, treuzkas anezañ, kroui evid hirio, sed aze ger-stur lazou-kana Kanomp Breizh.
Evit urzhiañ : Kasit ur chekenn 10€ + 3€ frejoù post da gKanomp Breizh asamblez gant AR BOÑ URZHIAÑ
BREIZH A GAN 2020 - DIWEZHATAET E 2021
|
|
Deiziater Kanomp Breizh
23/05/2021 Kampionad Breizh al Lazoù-kanañ
Eil ha trede rummad
Iliz St Tomaz, Landerne (29)
NULLET
11/07/2021 Kampionad Breizh al lazoù-kanañ
Rummad kentañ
Iliz St Tomaz, Landerne (29)
NULLET
05/12/2021 39vet Breizh a Gan
Iliz-Veur Kemper (29)
|
|
Buhez al lazoù-kanañ ezel eus Kanomp Breizh
KAN DRE GAN
A zo o klask ur rener pe ur renerezh evit miz gwengolo.
Al laz-kanañ eus Roazhon, savet tri bloazh-zo, a zo graet eus un ugent bennag a ganerien mesket, e pevar kordenad (SATB).
Kanañ a ra tonioù eus Breizh ha tonioù keltiek, e brezhoneg. Met digor eo d'an holl. Un ezel eus al laz-kanañ, brezhoneger a-feson, a zo daveet war ar yezh.
Ret eo bezañ dedenet gant sonerezh Breizh ha gant ar yezh.
Evit gouzout hirroc'h war ar post, deuit e darempred gant JR Le Moullec 03 03 84 09 33 ha jrlemoullec@sfr.fr
KAN AWEN
Stal-labour laz-kanañ Kreizenn an Arzou Pobl Brest a zo o tutañ koristed en holl kordennadoù mesked.
Adalak an 2 a viz du e vo dalc'het ar pleustradegoù e Leurenn Frezier Plougastel (29)
diouzh al lun eus 6e15gm beteg 8e15 noz
Evit gouzout hirroc'h, deuit e darepred gant KAAP 02 98 46 05 85
KANOMP AR VRO SANT BRIEG
O klask ur rener pe ur renerezh. Goude eo aet Jean Oriac war e leve e miz gwengolo 2019, renet eo bet laz-kanañ Sant Brieg gant Yvonne Guilmoto a oa renerez kordennad en araog.
Met hiziv, fellout a rafe da Yvonne, ha ne felle ket dezhi chom pell e penn al laz-kanañ istorel hag amiabl, leskel he blas.
Dedenet oc'h ? Deuit e darempred gant Katherine Hénault, o c'houlenn digant Kanomp Breizh.
|
